Optimiert für Internet-Explorer                                                                                        ائکسپولئرا پروگرامی ایله آچیلیر             

            

آذربایجان سیاسی توتوفلولارینا    آزادلیق

!اوز گله جه ييني تعيين ائتمک آذربايجان خلقي نين واز گئچيلمه ز خاقي دير             anadili@anadili.com

آذربایانلی لارین بیرلیک گونو            Araz 1989-              Azerbaycanlilarin birlik günü

.آآ      .

مـابـتور عنوانیمیز             www.anadili.com

 

Əziz həmvətənlər!

 

Hörmətli soydaşlar!

 

Xalqımızın birlik və mütəşəkkilliyinin, milli təəssübkeşlik və Vətənə sədaqətinin rəmzi olan 31 dekabr – Dünya Azərbaycanlılarının Həmrəylik Günü münasibətilə sizi səmimi qəlbdən salamlayıram. 

 

Ümummilli liderimiz Heydər Əliyevin 20 il əvvəl irəli sürdüyü təşəbbüs nəticəsində təsis edilən bu əziz bayram dünyadakı bütün soydaşlarımızın qəlbini Vətən hərarəti ilə isidir və müstəqil Azərbaycan dövlətinə məhəbbət hissi aşılayır.Həmvətənlərimizin milli birliyinə xüsusi əhəmiyyət verən Azərbaycan hökuməti diaspor quruculuğu işini daim diqqət mərkəzində saxlayır. Bu ilin yayında Bakıda Dünya Azərbaycanlılarının III Qurultayının keçirilməsi xarici ölkələrdə yaşayan soydaşlarımızın təşkilatlanması və Vətənlə əlaqələrinin möhkəmləndirilməsi yolunda yeni mərhələnin başlanğıcını qoydu. Qurultayda diaspor qurumlarının fəaliyyəti qiymətləndirildi, soydaşlarımızın mütəşəkkilliyinin və təşkilati çevikliyinin artırılmasına təkan verən mühüm qərarlar qəbul olundu.

 

Vətənimizin hüdudlarından kənarda yaşayan soydaşlarımız arasında azərbaycançılıq ideyalarının və milli təəssübkeşlik duyğularının günü-gündən güclənməsi olduqca fərəhləndirici haldır. İndi xaricdəki həmvətənlərimiz məskunlaşdıqları ölkələrin ictimai-siyasi, mədəni və işgüzar həyatında getdikcə öz mövqelərini genişləndirir, Azərbaycanın dünyada tanıdılmasına, mədəniyyətimizin təbliğinə sanballı töhfələr verirlər. Bu ilin yazında keçirilmiş nüfuzlu beynəlxalq mədəniyyət yarışmasında - “Eurovision - 2011” mahnı müsabiqəsində təmsilçilərimizin qazandığı qələbədə Avropa ölkələrində yaşayan soydaşlarımızın da payı olmuşdur. Ümidvaram ki, diaspor təşkilatlarımız bundan sonra da əldə edilən nailiyyətlərlə kifayətlənməyəcək, Diasporla İş üzrə Dövlət Komitəsi və xarici ölkələrdəki diplomatik nümayəndəliklərimizlə əməkdaşlığı gücləndirəcək, yeni çağırışlara daha mütəşəkkil və təsirli cavab verəcəklər. 

 

Əziz həmvətənlər!

 

Biz bu il dövlət müstəqilliyimizin 20 illiyini geniş qeyd etdik. Azərbaycanın 20 il ərzində nail olduğu uğurlar vətəndaşlarımızın əməksevərliyini, yüksək intellektual qabiliyyətini və qurub-yaratmaq əzmini bütün dünyaya əyani şəkildə nümayiş etdirir. Müstəqilliyin ilk illərində ölkəni bürümüş böhranlı vəziyyət, xalqımızın düçar olduğu çətinlik və məhrumiyyətlər indi arxada qalmış, yoxsulluq və işsizliyin səviyyəsi minimuma enmişdir. Düşünülmüş və planlı şəkildə aparılan islahatlar, müxtəlif sahələri əhatə edən dövlət proqramları və genişmiqyaslı infrastruktur layihələrinin həyata keçirilməsi Azərbaycanı dinamik inkişaf edən güclü və demokratik bir dövlətə çevirmiş, nüfuzlu və etibarlı tərəfdaş kimi dünyada tanıtmışdır. Bu il Birləşmiş Millətlər Təşkilatının Təhlükəsizlik Şurasına keçirilən seçkilərdə qələbə qazanmış Azərbaycanı 155 dövlətin dəstəkləməsi dünya birliyinin ölkəmizə olan hörmət və inamının parlaq təzahürüdür. Müasir dövrdə dünyada gedən proseslərin axarı sürətlə dəyişir. Qlobal, regional və lokal səviyyələrdə meydana çıxan problemlər, təhlükəli meyillər ağır iqtisadi böhranlara və sosial təlatümlərə yol açır, beynəlxalq əlaqələrə güclü təsir göstərir. Belə şəraitdə qazandığımız nailiyyətlərin möhkəmləndirilməsi və ölkəmizin davamlı inkişafının təmin olunması mühüm əhəmiyyət kəsb edir. Bu yaxınlarda imzalanmış “Azərbaycan 2020: gələcəyə baxış” İnkişaf Konsepsiyasının hazırlanması haqqında Prezident Sərəncamı məhz həmin sahədə perspektiv vəzifələrin və onların həlli yollarının aydın müəyyən olunmasına yönəlib. Azərbaycan dövlətinin gücü, xalqımızın yaradıcı potensialı müəyyənləşdirdiyimiz yeni məqsədlərə çatacağımıza əminlik yaradır. Lakin hələ də qarşımızda həllini tapmayan vəzifə - Ermənistanın hərbi təcavüzü nəticəsində ölkəmizin pozulmuş ərazi bütövlüyünün bərpası, qaçqın və məcburi köçkünlərin öz doğma ocağına dönməsinin təmin edilməsi dayanır. Şübhə etmirəm ki, biz tezliklə bu çətin problemin də öhdəsindən gələcək, dünyanın gözü qarşısında törədilən işğala və haqsızlığa son qoyacağıq.

 

Əziz bacı və qardaşlar!

 

Qələbəyə, ədalətin təntənəsinə gedən yolu qısaltmağın vacib şərtlərindən biri də bizim birliyimiz və həmrəyliyimizdir. Ona görə də bütün azərbaycanlıları daha sıx birliyə, dünyada yaşayan soydaşlarımızın milli və vətəndaş haqlarının müdafiəsi, müstəqil dövlətimizin mənafelərinin ardıcıl qorunması və beynəlxalq nüfuzunun artırılması işinə bundan sonra da öz töhfələrini verməyə çağırıram.

 

Bu sevimli bayram münasibətilə sizi ürəkdən təbrik edir, hər birinizə cansağlığı və səadət, işlərinizdə uğurlar arzulayıram!

 

İlham Əliyev,

 بشرییتین اوز قاراسی اولان رئژیم !                                                                        

بشرییت ، اینسانییت وه اینسان دوشمنی اولان تئروریست ـ فوندامنتالیست تئهران رئژیمی، هر کئچه ن گون اوز جینایتکار رئژیمی نین دوسیه سینه یئنی جینایتلر علاوه ائتمکده دیر. آلدیغیمیز خبره گوره علا الدین ملماسی به ی سورگونده ( تبعیده ) سوزده ماشین تصادوفی آدی ایله اولدورولموشدور . اونون مقدس وجودونو گوره نلر اورادا تصادوفده ن بیر اتر اولمادیغینی ، حتا بیر جیزیفدا  تاپمادیقلارینی بیلدیرمیشلر. سورگون ائدیلمیش ایضفهاندان اونون جدازه سی تبریزه گتیریلیب ، رئژیمین جینایتکار نا امنیت قووه لری نظارتی آلتیندا باسدیریلمیشدیر. حتا اونون بو اولومونو آراشدیرماق(تحقیقات) ایسته ین ایکی زنجانلی، بیر تبریزلی وه بیر اورمییه لی سویداشمیزدا توتوقلانئیشدیر. بو جینایتکار ـ تئروریست رئژیمین بو موحتره م عائله یه اولان نیفرتی رحمتلیک آتاسی دوورونده باشلامیشدیر. چونکی محمود ملماسی جنابلاریبو رئژیمین ایلک گتیریلدییی گونلرده ایچتن لی یینی (ماهییتینی) آنلامیش ، رئژیمده ن اوز چئویرمیش ، اوز ناموسونا قیسیلاراق، چوخ آغیر بیر حیات کئچیرمیشدیر. دونیاسینی ده ییشدیردیکده ن سونرادا بو ایسلام و آلله دوشمنی اولان رئژیم ، بو آذربایجان میللی  شخصییتی اوچون باش داشی قویماغا بئله ایجازه وئرمه میشدیر. بونو رحمتلیک علاالدین منیم قارداشیما بیلدیرمیش ایدی.

علاالدین ملماسی به ی محمود ملماسی (آزرم) جنابلاری نین اوغلو وه میرزا محمد علی تبریزی نین (محرر) نوه سی ایدی. آتاسی شاعیر ، محقق، یازیچی ، گوزه یازی و اینجه صنعت خادیمی اولدوغو کیمی، بویوک آتاسی میرزا محمد علی تبریزی جنابلاریدا گوزه ل خط یازماقلا یاناشی زامانی نین بویوک ضیالی یازیچی شخصییتلرینده ن اولموشدور. گورونورکی علاالدین به یده بئله بیر بولاقدان سو ایچمیش، بئله آیدین و ضییالی عائله نین خلف توره مه سی اولموشدور.

رحمتلیک آتاسی ایله، یاخین آتاـ اوغول موناسیبتینده اولدوغوم اوچون، علاالدین به یی چوخ کیچیک یاشلاریندان تانیردیم.خاریجده یاشاماق زوروندا اولسامدا،  محمود ملماسی جنابلاری، شاه و خومئینی رئژیملری نین قورخو ـ قده غه لرینه باخمییاراق، عومرونون سونونا قده ر بو موناسیبتی قیرمامیشدیور. اونون او زامانلار آنا دیلیمیزده منه یازیغی مکتوبلار وشعر لر، بو ایکی رئژیم الینده ن اونون  اوزونون ، وطن وه میللتیمیزین چکدییی آجی وبلالارین آچیق گوسترگه سی وه جانلی یازیلی سندلریدیرلر.اوشاقلیق دورونو گوردویوم علاالدین به ی ، چوخ ادبلی ـ کماللی ، نزاکتلی و فراصتلی بیر گنج اوشاغیدی. آتاسی نین منیمله اولان دانیشیقلارینی چوخ دیقتله دینله ییردی. بو اینسان و اینسانییت دوشمنی اولان رئژیمین غضبینه اوغرامیش آتاسی نین آجی یاشانتیسیندان پای آلان علاالدین به ی، بو آغیر شراییطین آلتیندا اوز تحصیلاتینی بیتیرمیش ، وئریله ن معلوماتلارا گوره آتاسی وه بویوک آتاسی کیمی آذربایجانیمیزین بویوک عالیم ، ضیالی ـ آیدین شخصییتلرینده ن بیرینه چئوریلمیش ایدی. میللتی نین وه اوز دوغما آنادیلی نین قایغیسینا قالمیشدیر. ائله بو سببده ن تئروریست ، دینسیز و اخلاقسیز رئژیمین غضبینه اوغرامیش ، ایشینده ن آتیلمیش، سونرادا ایصفهانا سورگون ائدیلمیشدیر. اوستاد علاالدین آرخیولوق ، تانینمیش عکاس ، آراشدیریجی ، تورکولوق ، کیمیا عالیمی و اینگیلیس دیله چوخ مسلط بیریسی ایدی. اوندان آذربایجان تاریخی اترلری وه آذربایجان تورکجه سی حاقدا کی آراشدیرمالاریندان 120 جیلدیلیک کیتاب یادگار قالمیشدیر. آتاسی دونیاسینی ده ییشنده ن به ری ،  بو عائله ایله رابیطه م قیریلدیغی حالدا ، تانیشلار طرفینده ن وئریله ن معلوماتلارا گوره  بو موحتره م عائله،  بوناقافیل  اولومده ن شوکه اولموشدور.اونلارا گوره اوز شخصی ایشلری گورمک اوچون ائوده ن چیخیب خزه ر چئوره سینه گئتمک ایسته دیینی بیلدیرسه لرده، سوزده  بو تصادف شیرازین یاخینلاریندا اولموشدور.

بو محقیق و آراشدیریجی اوستاد، اونوئرسیته یه کی ایشینده ن قوولسادا ، کیمیا علمینده بویوک قابلییته مالیک اولدوغو اوچون بیر مدتده تبریزین تراکتور کارخاناسیندا چالیشمیش ، سونرا رئزیمین جینایتکار نا امنیت مامورلاری طرفینده ن بو ایشده نده آتیلمیش ،. ایصفهانا سورگونه گونده ریلمیشدیر. یوخاریدا قئید ائتدییم کیمی علاالدینی وه آتاسینی تانیدیغیم اوچون بو بویوک ایتگی منیده کده رلندیردی. دردلریمه بیر دردیده آرتیریلدی. من اوز آدیمدان و غزه ته میزین اوخوجولاری آدیندان باشدا موحتره م ملماسی عئله سی اولماقلا بوتوو میللتیمیزه بو بویوک ایتگینی تسلیت دئییره م . رئژیمه وه جلادلارینادا بیلدیرمک ایسته ره م کی ، بو بویوک وطنپرور اینسانلارین قانلاری یئرده قالمییاجاقدیر.

البته بورادا بونو خاطیرلاتماق لازیمدیرکی ، آدام اولدورمک ، بو دینسیز و احلاقسیز رئژیمین ، آنا سوتونلاریندان بیرینی تشکیل ائدیر ، بو حاقدا چین ده ن سونرا ایکینجی یئری توتماقدادیر. نورمال دارا چکمه ، گوله له مه، باش کسمه نین یانیندا، آدام اوغورلاییب اولدوروب ، گیزلی باسدیرماق، ساختا ماشین تصادفلری ایله آچیق اولدورمه سی زور اولان اینسانلاری یوخ ائتمک بو رئژیمین تملینده یاتیر. پورفئسور ذئهتابی ائوینده، میرکاظیم موسوی ، سهند افشار ، قادیر صدیغی ، نادیر موسی زاده، مهدی طالبی ، بابک نوری ، نیما رضویان ،امیری مجید  وه مهندیس امانی  سوزده  ماشین تصادفلرینده اولدورولموشلر.

 دوختور غروی

باش ساغالیغی           

حورمتلی وطنداشلار  

چوخ ـ چوخ تاسوفله آلدیغیمیز بیر آجی خبره گوره،  یوردوندان دیده رگین سالینمیش،  تانینمیش قوجامان موباریز شاعریمیز،  سیرداشیم بالاش آذر اوعلی آپریل آیی نین 24 ده باکی شهرینده دونیاسینی ده ییشمیشدیر. 90 ایللیک حیاتی نین بویوک حیصه سینی وطنین سئوگیسی و آزادلیغی اوغروندا موباریزه آپاران  بالاش معلیمین آرامیزدان گئتمه سی  ، خصوصیله وطنیمیزین بو تاریخی گونلرینده  بویوک بیر ایتگی ساییلیر. من اوز آدیمدان و غزه نه میزین اوخوجولاری آدیندان  باشدا میللتیمیز اولماقلا  اونون عائله سینه ، یولداشلارینا  و تانیشلارینا ، ده یه رلی عائله سینه تسلیت دئییره م . باشینیز ساغ اولسون . عزیز سیرداشیم بالاش معلیم ، موباریزه تاریخیمیزده  و ادبیاتیمیزدا  هر زامان یاشایاجیقدیر.  دوختور غروی

بو ایتگی ایله علاقه دار  عریف کسکین به یین بو حاقدا یازدیغی مقاله سینی اوخوجولاریمیزا  تقدیم ائته یی ده مقصده اویقون ساندیق.

تونئس جیمهور ره ییسی قاچدی !                          

                                           Tunes Cimhurrəyisi Qaçdı !

دئسامبر آییندا بیر ایش سیز اونیوئرسیته  بیتیرمیش گنجین، اعتیراض اوچون اوزونو اودلاماسی، تونئسین گونئیینده اعتیرضلارا  وه میتینگلر کوچه  یورویوشلرینه  سبب اولدی . بیلیندییی کیمی گونئی آذربایجاندا اولدوغو کیمی، بو اولکه ده  ده گنجلرین چوخو ایش سیزدیر. نهایت بو اعتیراض یورویوشلری جومه آخشامی  ژانوییه آیی نین 13 ده پایتخته ده سیچیرادی. 23 ایللیک دیکتاتور بین علی حاکمیتینده ن جانا گه لمیش اهالی پرئزیدئنته قارشی شعارلار وئرمه یه باشلادی. بئله لیکله میللی بیر قیام بوتون اولکه نی ایچینه آلدی. پرئزیدئنت بین علی، محمد ریضا کیمی، تئلویزییونا چیخیب ، دوساقلیلارین بوراخیلماسینی ، رئفورملارین ایجراسی ایله  سیاسی فیرقه لرین آزاد ائدیلمه سینی ، آزاد سئچگیلرین کئچیریله جاغینی ، قیمتلرین دوشوروله جاغینی وعد ائتسه ده ، میللتین غضبینی یاتیرا بیلمه دی ، تونسین کوچه لری پولیسله یورویوشچولر آراسیندا دویوش مئیدانینا چئوریلدی. پولیس و امنییت قووه لری اودلو سیلاحدان ، گوز یاشاردیجی  گازلاردان یارارلانسادا، بو میللی قیامی یاتیرما  ایمکانینا  مالیک  دئییل ایدی لر. نتیجه ده جومه آخشامی گئجه میللت غلبه چالدی. 23 ایللیک جیمهور رئیسی  گیزلیجه اولکه نی ترک ائتمک زوروندا قالدی. و سعودییه عربیستانینا سیغیندی. بورادا دیقتی چه کن مسئله لردن بیری بودورکی امئریکالیلارین قوللوقچوسو اولان شاها آمئریکالیلار یول وئرمه دییی کیمی ، بین علی جنابلاری نادا فرنسا دولتی فرانسایا گلمه سینه راضیلیق وئرمه دی . بیر صورتده کی  بین علی جنابلاری و حیات یولداشی بو اولکه ده اونیوئرسیته بیتیرمیش و فرانسا دولتی نین ان یاخین آدامی ساییلیردی. و سون فرنسایا گلدیکده  فرانسا پرئزیدئنتی سارکوزی  ائلیزه سرایی قارشی سیندا اونو قارشیلایاراق قوجالاییب، فرانسانین ان یاخین دوستو کیمی معریف چیلیک ائتمیشدیر. اونون ایکی قیزی فرانسادا یاشاییرلار. تاسوفله دیکتاتورلار تاریخدن درس آلا بیلمیرلر. اونلارین قولوقچولوغونو ائتدییی دوولتلر اونلارین دوستو یوخ ، اوز اولکه لری نین سیاسی و ایقتیصادی چیخارلارینی دوشونورلر. پرئزیدئنتین اولکه نی ترک ائتمه سی ایله باش ناظیر سئچگیلره قده ر تونس آنا یاساسی نین 57 ـ نجی مادده سینه  گوره بو وظیفه نی عهده سینه گوتوردو. آنایاسایا گوره 60 گون ایچینده  سئچگیلر آپاریلمالیدیر. اولکه ده  غئیر عادی ، گئجه کوچه یه چیخما قدغنلی یی قویولدی. و اوردو بو ایشی گورمه یه باشلادی. دیقتی چه کن مسئله لردن بیری میللتین اوردویا اولان حورمتیدیر. میللت و اوردو آراسیندا صمیمی بیر آب ـ هاوا موجوددور. آیین 15 ده هفته نین بیرینجی گونو (شنبه) پارلئمئنتونون صدری نواب مجلیسی نین صدری کیمی باش ناظیرلیک وظیفه سینی اوزه رینه گوتوردو. او اولکه ده کی بوتون سیاسی پارتیلارین ایشتیراکی ایله " بیرلیک وطن حوکومتی " قورمالی ، و بو حوکومت سئچگیلره قده ر اولکه نی ایداره ائتمه لیدیر.نواب مجلیسی بوتون اولکه نین سایاسی پارتیلاریندان و سیاسی موخالیف قوروملاریندن عبارتدیر. تاسوفله بو قیامدا 61 نفر اولدورولموش ، دوسداقلی لاردان 50 نفردن چوخو دوسداغین یاندیرلماسیله حیاتلارینی ایتیرمیشلر.                                              

بو اولکه ده غرب مدنییتی بویوک تاثیر قویموشدور. بونا گوره ده غربیله یاخشی موناسیبتلری اولوب ، ایلده میلیونلارلا غرب توریستی بو اولکه ده ایللیک تعطیللرینی کئچیریرلر. بو اولکه نین خیاوانلاری ، آغاجلاندیریلماسی و ساتیش مغازالاری غربیده ن فرقیله نمیر. بو حتا اینسانلارین حرکتینده ده اوزونو عکس ائتدیریر. بو اعتیراض یورویوشلرینده ده  اوزونو عکس ائتدیردی. نئچه میلیونلوق بو یورویوشلرده عموما عایید اولان شئیلره ال وورولمامیشدیر. بیر لامپا ، بیر آغاج یئرینده ن سوکولمه میشدیر. حتا پرئزیدئنت علئیهینه یورویوش ائتسه لرده بوتون خیاوانلاردا هر اوشاغین الی چاتاجاق  پرئزیدئنتین بویوک  شکیللری بئله جیریلمامیش ، اوستو یازیلمامیش ، اوستونه بیر شئیده یاپیشدیریلمامیشدیر. حتا دووارلارا اعتیراض شعارلاری  یازیلمامیش ، پیلاکاتلاری یاپیشدیریلمامیشدیر.  اعتیراض زامانی  پرثزیدنته و عائله سینه منسوب اولان یئرلرین یاندیرلماسیندا  اهالی پرثزیدئنت طرفدارلارینی و گیزلی پولیسی مسئول ساییرلار.

تونئسین تاریخی                                                           

 تونئس آفریقانین قوزئی یینده آغ دئنیز ساحیلینده یئر آلیر.غربیده الجزیره  و گونئی شرقیده لیبی ایله قونشودور.  پایتختین آدی اولکه نین آدیندا ن آلینمیشدیر. بویوکلویو 163610 کیلومئتر مربع دیر. ایکی اطریش بویوکلویوندو دیر. نفوذی ایسه 10276158 ـ نفردیر. بو اولکه نین تاریخینده چوخلاری تاثیر قویموشلار.اولکه نین اهالیسینی به ربه رلرتشکیل ائدیر. 500 ایل میلاددان قاباق بونوچیلر ساحیل بویو اوز حاکمییتلرینی قورموشلار. روملار آفریقانین قوزئیینه حاکیم اولدوقلاری دووروده مسیحی دینی نی یاییلماغا باشلامیشدیر. لاکین 7 ـ نجی یوز ایلده عربلشدیرمه وه مسلمانلاشدیرما دوورو باشلاییر. بو اولکه نین ان پارلاق دوورو 12ـ 16 ـنجی یوز ایللرده اولموشدور. 16 ـ نجی یوز ایلده عثمانلی ایمپراتورلوغونا داخیل ائدیلمیشدیر. 19 ـ نجی یوز ایلین سونونا قده ر بو حاکمییت دوام ائتمیشدیر.عثمانیلارین یئرلرینی فرانسالیلارا وئریلمیشدیر. فرانسالیلار اورانی  فرانسا تونسی آدلاندیرمیشلار. تونس حبیب بوردیبا نین باشچیلیغیندا 1956 ـ نجی ایل او باغلی سیزلیغینی قازانمیش. بو اولکه تک پارتی سیستئمینده ایداره ائدیلیردی. اولکه نین هئچ بیر یئر التی میللی ثروتی اولمادیغی حالدا ان یوکسک حیات سوییه سینه و ایقتیصادی گلیشمه یه مالیکدیر. بو اولکه نین اساس گلیری توریستیده ن دیر. غربی آوروپا اولکه لری نین بیر نئچه میلیونو اوز ایللیک ایستیراحتلرینی بو اولکه ده کئچیریرلر. صنایع موسیسه لری نین و یئتری ایش یئری نین اولمادیغیندان کنجلرین چوخو ایش سیزدیرلر. جاربا آداسیندا اهالی به ربه ر شیوه سینده دانیشیرلار.تونیسلی لر فرانسا و عرب دیلینده یئتیشیرلر. فرانسا دیلی علمی موسیسه لرده  حاکیمدیر. بو اولکه ایله ایتالیانین سیسیل آداسی آراسیندا یالنیز 140 کیلومئتر فاصیله واردیر. شکیللر ویکی پئدییادان الینمیشدیر.                                                                                                                                        

دونیا آذربایجانلیلاری کونگوره سی نین  دئسامبر آیی نین4 ـ 5 نده بون شهرینده کئچیردیی 11 ـ نجی قورولتاییندا بو تشکیلاتین همصدری اولان مهندیس فریدون پرویز نیا جنابلاری نین چیخیشی و حئساباتی

بوتون آددیملاریمیز  آنا هدفیمیز ایستیقامتینده آتیلمالیدیر.!

 گونئی آذربایجانیمیزین آزادلیق و ایستیقلالییتینه دوشونن ، و بو هدفه اولاشیب ، الده ائتمک اوچون موباریزه آپارانلارا عشق اولسون! بو موباریز ـ ساواشجیل اینسانلاریمیز تئهران رئژیمی نین باسقیلارینا ـ هده قورخولارینا باخمییاراق ، دوسداقلاردا ، رئژیم محکمه لرینده !، اعدام مئیدانلاریندا ایگیت جه سینه اوز اینسانی و حقوقی ایستکلرینی دیله گتیریب ، ایرقچی ـ مستملکه چی رئژیمین آذربایجان میللتینه قارشی دوشمنچیلیک سیاستینی آچیقلاییرلار. میللتیمیزین حقانییتینی اعلام ائدیرلر .                                                                                                                                    

اولکه نین ایچینده گئده ن بو دورومو خاطیرلاتماقدان مقصد، اولکه نین ائشیینده اولان بعضی تشکیلاتلارین یالنیش حرکتلرینه توخونماقدیر.هر بیر سیاسی تشکیلات نورمالدا اوز بیر ایللیک ساواشیمینی ـ موباریزه سینی گوزده ن کئچیره ره ک اوندان بیر نتیجه چیخارمالیدیر. بو آپاردیغی موباریزه نین  یالنیش و دوزگون طرفلرینی یوخلامالیدیر. بو موباریزه نین نه میقداری میللتیمیزین ـ وطنیمیزین ، وارلیغیمیزین دوشمنی اولان سوزده ایسلام جیمهوریسینه عایید اولدوغو تثبیت ائدیلمه لیدیربو حاقدا نه ایشلر گورولدویو ده یه رلندیریلمه لیدیر. اگر گورولن  ایشلر اونون عضوولرینی و رهبرلی یینی راضی سالیرسا ، بونون تعجوب ائده جک بیر طرفی یوخدور. چوخ تاسوف ائدیجیدیرکی ، بو کوجلو و گوجسوز تشکیلاتلاریمیز ،آنا هدفیمیزی ، آنا دوشمن و دوشمنلریمیزی  اونودوب ، یاخود بیر یانا قویاراق، اوز گوجلرینی بیر ـ بیرینه قارشی غئیر سیاسی و حقیقتی اولمایان توهمتلر یاخماغا صرف ائدیب ، دئدی ـ قودولارلا مشغول اولورلار. دئمک اولارکی ، آیلار  و ایللرجه موهوم ساییلمایان موضوعلارلا زامان کئچیریرلر. بئله لیکله ده دوشمنه قارشی یارارلانا  بیله جک   ائنئرزی و گوجو هده ره وئریرلر. و حتا ایچه ریده دوزگون موباریزه آپاران سویداشلاریمیزیدا چاش ـ باش ائدیرلر.                                                                                                      

میللی آزادیلیق حرکاتیمیزین هدفی بللیدیر. گونئی آذربایجانیمیزین آزادلیق و ایستیقلالیتیدیر. 35 میلیونلوق بیر میللتین اوز موقدراتینی اوزونون ایسته دییی شکیلده تعیین ائتمه سیدیر. 21 ـ نجی یوز ایلین آستاناسیندا بو تام حقانی بیر ایستکدیر.  میخا ـ چارمیخا چالیناجاق بیر یئر یوخدور. ال ـ اله وئریب بو آنا هدف اوغروندا چالیشمالی ییق. بعضی تشکیلات و اینسانلاریمیز یئرسیز و واخت آشیری، چوخ واخت زامانی گلمه میش موضوعلاری  اورتایا آتماقلا ، بیله ره ک ، یاخود بیلمییه ره ک دوشمنین قازانینا سو توکورلر. دوشمنین ایشینی قولایلاشدیرماق یئرینه اونون قارشی سیندا گوجلو بیر موقاویمت و ساواش صفی یاراتمالی ییق. بیزیم خاریجده اولان آنا وظیفه لریمیزده ن بیری ایچه ریده گئده ن ساواشین خبرلرینی و حقانییتینی دونیا ایجتماعییتی نین قولاغینا چاتدیرماقدیر. دئموکراتیک دوولتلرین دیققتینی بو داوامیزا جلب ائدیب ، داوامیزا طرفدار قازاندیرماقدیر. خاریجده اولان بو گوجلو ایمکانی هده ره وئرمکله هئچ بیر شئی الده ائده بیلمییه جی ییک. عکسینه دوشمنه خئییر ساغلامیش اولوروق.                                                                                  

 اولکه دن ائشیکده گونئی آذربایجانین آزادلیق ، ایستیقلال و نهایت دئموکراتیک ـ سئکولئر حقوقی دولتی نین یارانماسی اوچون موباریزه آپاران قوروملارـ تشکیلاتلار و شخصیلر  مسئله لری اوزلرینده ن چوخ، یاشادیقلاری اولکه لرین  ایجتماغییتینه ، دولت و غئیر دولت تشکیلاتلارینا ، فیرقه لرینه چاتدیرمالیدیرلار. تئهران رئژیمی نین حقیقی مونافیق  و جینایکار اوزونو و عمللرینی اونلارا آچیقلامالیدیرلار. اونلارین مادی و معنوی دسته یینی قازانمالیدیرلار. یوخاریدا قئید ائدیلدییی کیمی بو خاریجده بیزیم اصیل و آنا وظیفه میزدیر. بو یولدا حرکت ائتمک ، و بو ایستیقامتده واخت و زامان صرف ائتمک دوزگون و آنا هدفیمیزه اویقوندور.                                                                                         

سوزونو ائتدییمیز  بو هدفلی ایش گورمه یه میثال اوچون سیاسی ، ایجتماعی تشکیلات اولان  دونیا آذربایجانلیلار کونکوره سی "داک"ی گوسترمک اولار. داک کئچه ن بو ایکی ایلده  صابیر روستمخانلی ، فریدون پرویزنیا ، اژده ر تقی زاده و باشقا ایداره هئییتی منسوبلاری ایله بیرلیکده  بو حاقدا یارالی آددیملار گوتورموشلر. اونلار آوروپا باشدا اولماقلا، آمئریکا ، اوسترالییا، کانادا دا اولوب اونلارین پارلئمئنتلرینده میللت وکیللری ایله ؛ ناظیرلری ایله گوروشمه لر آپاریب ،میللتیمیزین حاقلی داواسی حاقدا اونلارا بیلگی وئریب، تئهران رئژیمی نین عمللرینی ایفشا ائدیب ، رئژیمین حقیقی اوزونو اونلارین قارشی سیندا سرگیله میشلر. 6۰ دان چوخ سئناتور و میللت وکیلی ایله تانیش اولوب، موناسیبتلر قورموشلار. بیرلشمیش میللتلر تشکیلاتیندا ساعاتلارجا میللتیمیزین حاقلی داواسی حاقدا بیلگی و سندلر وئرمیشلر. مسئله نین موفققیتلی طرفی بودورکی ، ایستیثناسیز اونلارین هامیسی گونئی آذربایجان میللتی نین موباریزه سینی حاقلی و دوزکون سایاراق  فعلی حالدا معنوی حمایت ائدیب ، و ائده جکلرینه سوز وئرمیشلر. حتا داکین هئییتینی بیر سیاسی هئییت کیمی قبول ائتمیشلر. اینسان حاقلارینا گلدیکده، ایکی ده فعه بیرلشمیش میللتلر تشکیلاتیندا اولوب ، بو تشکیلاتین مسئول مقاملاری ایله گوروشموشلر. اونلارین گونئی آذربایجاندا اولان حرکتده ن خبردار اولدوقلارینی بیلدیرمکله یاناشی ، بو موباریزه نین بیرلشمیش میللتلر تشکیلاتی نین قایدا ـ قانونلارینا اویقون اولدوغونودا  وورقولامیشلار. ائله جه ده ژئنوده مرکزی اولان اینسان حاقلارینی مودافعه کومسییونونا مشخص یازیلار و اعتیراضلار لیسته سی وئریلیب رئژیمین غئیر اینسانی و اینسانییت دوشمنی اولان یوزوده ایفشا ائدیلمیشدیر.                                                       

گورولدویو کیمی داک سیاسی و ایجتماعی بیر تشکیلات کیمی، های کوی سالمادان ، کئچه ن ایکی ایلده  اوز میللی وظیفه سینی یئرینه یئتیرمه چالیشمیشدیر. او بو سیاسی و دیپلوماتیک موناسیبتلری قورماقلا ، بو اولکه لرین دولتلری نین ، فیرقه لری نین "حزبلری نین" ایجتماعی  و هومانیستی قوروملاری نین دیقتینی میللی حرکتیمیزه جلب ائتمه یی باجارمیشدیر.                                                                                                                                     

گوروندویو کیمی خاریجده فعالیت گوستره ن تشگیلات و اینسانلاریمیز بو چارچووادا فعالیت گوستره  بیله رلرسه ، او زامان گونئی آذربایجان مسئله سی دونیا ایجتماعییتی ایچینده گونده مده اولاجاق ، گونئده میللی دوولتیمیزین قورولوب ، تانینماسیندادا اوز رولونو اوینایاجاقدیر.                                                                                                     

داکین بوگونکو رهبرلی یی ، دونیامیزدا گئتمیش و گئده ن میللی آزادلیق و قورتولوش حرکاتلاری نین تجروبه لرینده ن یارارلانیب ، گونئی آذربایجانیمیزدا کئده ن میللی قورتولوش حرکاتیمیزین حقانییتینی ، قادینلاریمیزین تاپدالانمیش خقوقلارینی ، سیاسی زیندانیلرین حاقسیزجاسینا دوسداقلارا سالینماسی نی بو قولوبال دونیادا  بوتون میللت و دولتلره تانیتدیرماغی اوز وظیفه سی حئساب ائدیر.                                                                                                 

یاشاسین گونئی آذربایجانیمیزدا آپاریلان حاقلی موباریزه میز !                                                                         

مهو اولسون تئهران رئژیمی !                                                                                                                

داک" ین همصدری  و واحید مستقیل آذربایجان جبهه سی نین سوزجوسو

 میللی قوروتولوش شاواشی، میللی موباریزه، احمدی نژاد ـ موسوی داواسیندان فرقیلیدیر!                                                

حورمتلی وطنداشلار                                                                                                                                        

میللتیمیزین ایستیقلال و آزادلیغی اوغروندا ساواانلارا عشق اولسون .                                          

حورمتلی وطنداشلار

 ایران دئییله ن میللتلر دوسداغیندا سوزده جیمهور ره ییسی « سئگیلری!!!؟» کئچیریله جکدیر.ده فعه لرله دئدییمیز کیمی بو آذربایجان میللتینه عایید  اولان

بیر سئچگی دئییلدیر.قورویوجو شورانین اویونبازلیغی دیر. بیز آذربایجانلی ییق، ایرانلی دئییلیک. ایران سئچگیلرینه قاتیلاق.  بیز اوز ایستیقلالییت میز

اوچون ، فارس مستملکه سینده اولان وطن و میللتیمیزین  آزادلیغی اوچون ساواشیریق. ایران اوچون یوخ. کئچمیشده بو ایشی چوخ گورموشوک. داها بسدیر.

عین زاماندا تئروریست ، مستملکه چی جینایتکار رئژیمین سوزده اولان سئچگیلرینه قاتیلماق ،  بو رئژیمین کئچه ن بو 30 ایلده ائتدیی جنایتلره بلی دئمکدیر.

 . اونلارا اورتاق اولماق معناسینا گلیر. بواخلاق و معنوییاتدان اوزاق اولان بیر حرکتدیر.

عکسینه بیز آذربایجانلیلار سوزده بو سئچگی گونونو  گونئی آذربایجانین  هر یئرینده مستملکه چی رئژیمه قارشی اعتیراض گونونه چئویرمه لی ییک

سئچگی لره قاتیلماغی بیزلره توصییه اوئده نلر ، ایرانچیلار، ایرانین بوتونلویونو ایسته ینلردیر، رئژیمین قوللوقچولاریدیرلار. یاخود اوزلری بیلمه دن

بو سیاسته آلت اولانلاردیر. یادا سیاسی ساوادسیزلیقدان ایره لی گه لن بیر گوروشدور.

آنادیلی رئداکسیا  هئییتی